ⵉⴳⵉⵡⵔ ⵏ ⵜⴰⵢⵎⵓⵏⵜ ⵜⴰⴷⵖⴰⵔⴰⵏⵜ ⵏ ⴰⵙⵏⴼⴰⵔ ⵏ ⵓⵖⴰⵡⴰⵙ ⵏ ⵓⵙⵎⵙⴰⵙⴰ ⵏ ⵜⴰⵖⵉⵡⴰⵏⵜ ⵏ ⵙⵅⵉⵔⴰⵜ
ⴷⴷⵓ ⵜⴰⵔⵉⵢⴰⵙⵏ ⵏ ⵓⵏⴱⴱⴰⴷ ⵏ ⵙⵅⵉⵔⴰⵜ ⵜⵎⴰⵔⴰ ⴰⵙⵙ ⵏ7 ⵎⴰⵢⵢⵓ 2019 ⵖ ⵜⵎⵏⴱⴰⴷⵜ, ⵢⴰⵏ ⵉⴳⵉⵡⵔ ⵏ ⵜⴰⵢⵎⵓⵏⵜ ⵜⴰⵜⵉⵇⵏⵉⵜ ⵜⴰⴷⵖⴰⵔⴰⵏⵜ, ⵍⵍⵉ ⵉⵣⴷⵉⵏ ⵙ ⵓⵖⴰⵡⴰⵙ ⴰⵙⵎⵙⴰⵙⴰ ⵏ ⵜⵖⵉⵡⴰⵏⵜ ⵏ ⵙⵅⵉⵔⴰⵜ, ⵍⵍⵉ ⴷⴰⵔ ⴰⵡⵜⵜⴰⵙ ⴰⵙⴷⵖⵉ ⵏ ⵓⴷⴷⴰⵍ ⵜⴰⵣⴽⴰⵡⵜ ⵏ ⵓⴷⵖⴰⵔ ⵏ ⵜⵖⵉⵡⴰⵏⵜ ⴰⴷ, ⵙⵍⴰⵡⴰⵏ ⴰⴽⴽ ⵍⵍⵉⵖ ⵉⵜⵎⵎⴰ ⵜⵉⵣⵉ ⵏ ⵎⵔⴰⵡ ⵉⵙⴳⴳⴰⵙⵏ ⵏ ⵓⵖⴰⵡⴰⵙ ⵍⵍⵉ ⵉⵍⵍⴰ ⵖⵉⵍⴰⴷ ⵍⵉⴼ ⵍⵍⵉ ⵢⵎⵣⵏ ⴰⵙⵖⵣⵏ ⵖ 1999. ⴰⵔⵔⴰ ⵢⴰⴷ ⵜⵓⵎⵣ ⵎⴰⵔⵔⴰ ⴰⴷⵖⴰⵔ ⵏ ⵜⵖⵉⵡⴰⵏⵜ ⵏ ⵙⵅⵉⵔⴰⵜ ⴷⴰⵔ ⵜⴰⵊⵊⵓⵎⴰ ⵜⵣⵔⵉ 5571 ⵢⵉⵍⵉⵏ ⴳⵉⵙ ⵉⵎⵣⴷⴰⵖⵏ ⵣⵔⵉⵏⵉⵏ 59775 ⵙ ⵎⴰⴷ ⵢⵓⵛⴽⴰⵏ ⴱ ⵓⵙⵉⴷⵏ ⵏ 2014, ⵍⵉⵖ ⵜⴳⴰ ⵜⵉⵙⵙ ⵙⵏⴰⵜ ⵜⵖⵉⵡⴰⵏⵉⵏ ⴷⴰⵔ ⵓⵏⵛⴽⴽⴰⵏ ⵏ ⵎⵉⴷⵏ ⵖ ⵜⵎⵏⴱⴰⴷⵜ ⵏ ⵙⵅⵉⵔⴰⵜ ⵜⵎⴰⵔⴰ ⵎⵇⵇⵓⵔⵏ.
ⵜⴰⵖⵉⵡⴰⵏⵜ ⴰⴷ ⴷⵉⵙ ⵖ ⵍⵇⴱⵍⵜ ⵉⴳⴰ ⵉⵣⵍⵎⴷ ⴷ ⴰⵙⵉⴼ ⵏ ⵉⴽⵎ, ⵖ ⵉⴼⴼⵓⵙ ⵉⴳⴰⵏ ⵜⴰⴳⵓⵜ ⴳⵉⵙ ⴰⵖⴰⵔⴰⵙ ⵏ ⵍⴼⵡⴰⵔⴰⵜ, ⵣⵖ ⵉⴼⵓⵙ ⵉⴳⴰⵏ ⵜⴰⵖⵓⵜ ⴳⵉⵙ ⴰⵙⵉⴼ ⵏ ⵛⵔⴰⵜ, ⵜⴰⵣⵍⴰⵢⵜ ⵏ ⵜⵖⵉⵡⴰⵏⵜ ⴰⴷ ⵉⴳⴰⵜ ⵉⴷⵖⴰⵔⵏ ⵏ ⵜⴼⵍⵍⴰⵃⵜ ⵢⵓⵎⵣⵏ ⴰⴷⵖⴰⵔ ⵉⴳⴳⵓⵜⵏ ⵜⵓⵎⵣ ⵎⴰⵢⵜⴳⴳⴰⵏ 2192 ⴳⵜⴰⵔ, ⵎⴰⵢⵜⴳⴳⴰⵏ ⴰⵣⴳⵏ ⵏ ⵓⴷⵖⴰⵔ ⵏ ⵜⵖⵉⵡⴰⵏⵜ, ⵖⵉⴽⵍⵍⵉ ⴷⴰⵔⵙ ⵉⵍⵍⴰ ⵢⴰⵏ ⵓⵣⵡⵉ ⵉⴼⵙⵙⵓⵙⵏ ⵖ ⵜⵙⴳⴰ ⵉⵡⴰⵍⴰⵏ ⵉⵍⵍ, ⵖⵉⴽⵍⵍⵉ ⴳⵉⵙ ⵢⴰⵏ ⵓⵙⵓⵏ ⵏ ⵜⵎⴳⵓⵔⵉ ⴱⴰⵀⵔⴰ ⵉⵙⵜⴰⵡⵀⵎⵎⴰⵏ, ⴷ ⵖⵉⴽⵍⵍⵉ ⵓⵔ ⵜⴰⴳⴳⵓⴳ ⵢⴰⵏ ⵉⴷⵖⴰⵔ ⵉⴽⵓⵍⵓⵊⵉ ⴰⵜ ⵉⴳⴰⵏ ⴷ ⵡⴰⵙⵙⵉⴼ ⵏ ⵛⵔⴰⵜ.
ⵖⵉⴽⵍⵍⵉ ⵜⵣⴷⵉ ⵜⵖⵉⵡⴰⵏⵜ ⴷ ⵓⵖⴰⵔⴰⵙ ⴰⵏⴰⵎⵓⵔ ⴷⴰⵔ ⵓⵜⵜⵓⵏ 1 ⴷ ⵓⵖⴰⵔⴰⵙⵏ ⵉⵙⵔⵃⵏ ⵍⵍⵉ ⵉⵣⴷⵉⵏ ⵏⴳⵔⴰ ⵔⴱⴰⵜ ⴷ ⵜⵉⴳⵎⵎⵉ ⵜⵓⵎⵍⵉⵍⵜ, ⴷ ⵓⵍⵍⴰ ⴰⵖⴰⵔⴰⵙ ⵏ ⵍⵎⴰⵛⵉⵏⴰ, ⵖⵉⴽⵍⵍⵉ ⵉⵍⵍⴰ ⵖ ⵜⵖⵉⵡⴰⵏⵜ ⵏ ⵙⵅⵉⵔⴰⵜ ⵜⵉⵎⵉⵜⴰⵔ ⵏ ⵍⴱⵏⵉ ⴰⵇⴱⵓⵔ ⴷⴰⵔ ⴰⵜⵉⴳ ⵖ ⵓⵎⵣⵔⵓⵢ, ⴷ ⵓⵍⵍⴰ ⵙⵉⵏ ⵉⵙⵓⵜⴰⵔ ⵓⴳⵍⵏⵉⵏ ⵖ ⵡⴰⵙⵉⴼ ⵏ ⵛⵔⴰⵜ ⴷ ⵉⴽⵎ, ⵍⵍⵉ ⵢⴰⴽⴽⴰⵏⵉⵏ ⵢⴰⵏ ⵓⵎⵉⵣⴰⴼ ⵉⴱⵓⵖⵍⴰⵏ ⵓⵔ ⵉⵍⵍⵉ ⵡⴰⵏⴰⵡ ⵏⵙⵏ.
ⴳ ⵖ ⵓⵙⵏⴼⴰⵔ ⵏ ⵓⵖⴰⵡⴰⵙ ⴰⵙⵎⵙⴰⵙⴰ ⵏ ⵜⵖⵉⵡⴰⵏⵜ ⵏ ⵙⵅⵉⵔⴰⵜ, ⵜⵓⴳⵜ ⵏ ⵉⵙⴷⵔⴰⵎ ⴷ ⵉⵙⵜⴰⵢⵏ ⵍⵍⵉ ⴷⴰⵔ ⴰⵡⵜⵜⴰⵙ ⴰⴷ ⴰⵍⵏⵜ ⵖ ⴰⵏⵊⵊⵎ ⵜⴰⵎⵃⵣⵡⵔⵜ ⵏ ⵉⴷⵖⴰⵔⵏ ⵉⵎⵓⵔⴰⵏ ⵏ ⵜⵖⵉⵡⴰⵏⵜ ⵏ ⵙⵅⵉⵔⴰⵜ, ⵣⵖ ⵉⵙⵡⵉⵔⵏ ⴳⵓⵜⵏⵉⵏ, ⵏ ⵜⵎⴳⵓⵔⵉ, ⵏ ⵜⵏⵓⴼⵓⵜ, ⵏ ⵜⵎⵣⴷⴰⵖⵔ, ⵏ ⵜⵙⴱⴱⴰⴱⵜ ⴷ ⵉⵖⵔⴰⵏ ⵢⴰⴷⵏ ⵏ ⵜⵉⴳⵎⵉ, ⵍⵍⵉ ⵉⵏⴽⴰⴼⵏ ⵖ ⵜⵓⴷⵔⵜ ⵉⵎⵣⴷⴰⵖⵏ.
ⵖ ⵉⴳⵉⵡⵔ ⴰⴷ ⵉⵜⵓⴽⴼⴰ ⴳⵉⵙ ⵢⴰⵏ ⵓⵙⴼⵙⵔ ⵖ ⵓⵙⵏⴼⴰⵔ ⵏ ⵡⴰⵔⵔⴰ ⵢⴰⴷ ⴰⵙⴽⴰⵏ ⵏ ⵢⴰⵏ ⵓⵎⴰⵔⵉⵙ ⵏ ⵜⵖⵔⵉⵡⵉⵏ, ⵉⵡⴰⵍⴰⵜⵉⴷ ⵉⵎⴷⵉⵡⵍ ⴷ ⵓⵙⵏⴼⵍ ⵏ ⵜⴰⵏⵏⴰⵢⵉⵏ ⴷ ⵉⵙⵡⵉⵏⴳⵉⵎⵏ, ⵖⵉⴽⵍⵍⵉ ⵜⵜⵓⵏⵏⴰⵏⵜ ⵎⵏⵏⴰⵡⵜ ⵜⴰⵏⵏⴰⵢⵉⵏ ⵍⵍⵉ ⵔⴰⴷ ⵉⵙⴱⵓⵖⵍⵓ ⴰⴽⵜⵜⵓⵔ ⵏ ⵓⵙⵏⴼⴰⵔ ⴰⴷⴷ.